في دنيتي تعلمت حاجات

في دنيتي تعلمت حاجات
=في دنيتـي هـذي تعلمـت حاجـات =هاكم بعض ما فادنـي بـه زمانـي =مااتبع اللـي صـد عنـي بلحظـات =ولا ارخص اللي بالمحبـه شرانـي =واذا رحلت ارحـل بعـزه وبسكـات =ما رد صاع اللـي بغـدره كوانـي =اما أجي كلي شعـوري مـع الـذات =أو ابتعد كـن مـا عطيتـه حنانـي =عرفت ان المحبة فعـلاً مقامـات =امـا مؤبـد او يُـعـوّض بثـانـي =عرفت ان اصعـب وفـا بالأمانـات يومي عطيت القلب شخص ونساني =في دنيتي ذقـت النكـد والمسـرات =اسعدنـي اللـي بالمهالـك رمانـي =اقوى الطعون اللي تجي بالخيانـات =لاصرت مجني وأغلى انسان جانـي =اللي ضحكلي شلت عنـه الملامـات =ياللأسـف حمّلتهـا مـن بكـانـي =لكن هذي الدنيـا تجـارب وغلطـات =خطـا عملتـه ولصوابـي هدآنـي =عرفت كيف اضوي دروب المتاهات =عرفت كيف القاصي يكـون دانـي =لجل الأمل بسعـى فكـل المجـالات =مـا ضيّـع الأمـال غيرالتـوانـي =لو مات امل عندي باقـول مامـات =أفرح به أكثر يـوم احققـه عانـي =في كل اموري راح اعيد الحسابـات =أحرم واضاعف بالعطا من عطاني =حرّمت اعاشر من يطيع الوشايـات =حرّمـت اخـاوي واحـد ٍ مابغانـي =حرّمت اصدق كلمةٍ ما لهـا اثبـات =حرّمت وصلي مايجي مـن جفانـي =ان صد عني شخص جـا بالبدايـات =ما عاد اجيه ان راد يعـرف مكانـي =تعبت اجامل واكتم بصـدري آهـات =اضحك وقلبـي جمـرة ٍ بالمحانـي
بواسطة: سليمان الشجاع